17.მე-17 ჯგუფის ელემენტები
17.1.ჰალოგენები
კითხვა:
სხვადასხვა სიძლიერის რომელი ორი მჟავა წარმოიქმნება ქლორის გახსნისას წყალში? შეადარეთ ერთმანეთს წყალში ფთორის და ქლორის გახსნის რეაქციები და ახსენით მათ შორის არსებითი განსხვავების მიზეზი.
პასუხი:
ქლორი წყალთან ქიმიურად ურთიერთქმედებს და წარმოიქმნება მარილმჟავა და ქვექლოროვანი მჟავა:
Cl2 + H2O ⇄ HCl + HClO
ქვექლოროვანი მჟავა არამდგრადია და იშლება, განსაკუთრებით, გაცხელებით ან სინათლის მოქმედებით:
HClO → HCl + O
ქვექლოროვანი მჟავა ძლიერი მჟანგავია. ის განაპირობებს ქლორიანი წყლის მათეთრებელ და მადეზინფიცირებელ მოქმედებას.
წყალში ფთორის გატარებით ფთორიანი წყალი არ მიიღება, რადგან წყალი “იწვის” ფთორში. ამ დროს მიიღება: HF, O2, O3, OF2 და H2O2.
F2 + H2O → 2 HF + O
2 O → O2; 3 O ⇄ O3
O + F2 → OF2; H2O + O → H2O2
