17.მე-17 ჯგუფის ელემენტები

17.1.ჰალოგენები

კითხვა:

რამდენი იზოტოპი შეესაბამება ფთორსა და იოდს? ახასიათებთ თუ არა მათ არასტაბილური იზოტოპების წარმოქმნა?

პასუხი:

როგორც ფთორს, ისე იოდს, არასტაბილური იზოტოპები აქვთ. ფთორის ერთადერთი სტაბილური იზოტოპია ¹⁹F. ხელოვნურად არის მიღებული ფთორის ხუთი რადიოაქტიური იზოტოპი: ¹⁶F (ნახევარდაშლის პერიოდი <1 წუთი), ¹⁷F (ნახევარდაშლის პერიოდი - 70 წამი), ¹⁸F (ნახევარდაშლის პერიოდი - 111 წუთი), ²⁰F (ნახევარდაშლის პერიოდი - 11,4 წამი), ²¹F (ნახევარდაშლის პერიოდი 5 წამი).

იოდის ერთადერთი სტაბილური იზოტოპია ¹²⁷I. ე.ი. ბუნებრივი იოდი, პრაქტიკულად, იზოტოპურად სუფთა ელემენტია. იოდის რადიოაქტიური იზოტოპებია ¹³¹I (ნახევარდაშლის პერიოდი 8 დღე-ღამე), იშლება β-დაშლის მექანიზმით; ¹²¹I (ნახევარდაშლის პერიოდი 2 სთ); ¹²³I (ნახევარდაშლის პერიოდი 13 სთ); ¹²⁵I (ნახევარდაშლის პერიოდი 59 დღე-ღამე); ¹²⁹I (ნახევარდაშლის პერიოდი 1.57×10⁷ წელი) და სხვ.