14.მე-14 ჯგუფის ელემენტები

14.2.სილიციუმი

კითხვა:

სილიციუმის ატომის ელექტრონული სტრუქტურებისაგან (ჰიბრიდული მდგომარეობიდან) რომელია მდგრადი? როგორია სილიციუმის ატომის ჟანგვითი რიცხვი ნაერთებში?

პასუხი:

სილიციუმი და ნახშირბადი თვისებებით მკვეთრად განსხვავებულ ოქსიდებს წარმოქმნის. კაჟმიწა (SiO₂) მყარი, ძალიან ძნელად ლღობადი ნივთიერებაა, ხოლო CO₂ აირია. ეს მკვეთრი განსხვავება აიხსნება სილიციუმის ატომის sp³ ჰიბრიდიზაციით. CO₂ -ში კი, ნახშირბადატომი sp ჰიბრიდულ მდგომარეობაშია. ნახშირბადის კოორდინაციული რიცხვი CO₂ -ში 2-ის ტოლია, SiO₂-ში სილიციუმის კოორდინაციული რიცხვი კი 4-ია. ამიტომ სილიციუმის თითოეული ატომი მოქცეულია ჟანგბადის ოთხი ატომისაგან შექმნილ ტეტრაედრში არა მარტო კაჟმიწაში, არამედ სილიციუმის ყველა სხვა ჟანგბად ნაერთშიც - სილიციუმის მჟავასა და მის მარილებში.

სილიციუმის ჟანგვითი რიცხვი ნაერთებში არის -4 და +4.