1.პირველი (IA) ჯგუფის ელემენტები

1.1.წყალბადი

კითხვა:

რატომ არის წყალბადი ძალიან მცირე რაოდენობით გავრცელებული ბუნებაში?

პასუხი:

პლანეტები, რომელთა მასები ბევრად აღემატება დედამიწის მასას, თავიანთ ატმოსფეროში მსუბუქ აირებს ინარჩუნებენ. მაგალითად, დედამიწას, იუპიტერისაგან განსხვავებით (იუპიტერის მასა დედამიწის მასაზე დაახლოებით 320-ჯერ მეტია), მსუბუქი აირების მიმართ სუსტი გრავიტაციული მიზიდულობა აქვს. მსუბუქი აირები, მოლეკულების მოძრაობის დიდი სიჩქარის გამო, ტოვებენ დედამიწის ატმოსფეროს, ამიტომ მასში, ჰელიუმთან ერთად, წყალბადი მცირე რაოდენობითაა.