"ქიმიის უწყებანი" ტომი:7, ნომერი:2, 32 გვ.

რუსუდან არზიანი

რუსუდან არზიანი

სსიპ ქ. ფოთის მე-8 საჯარო სკოლა

რეზიუმე: ქიმია ძალიან საინტერესო და სახალისოა, ბავშვებს უყვართ ექსპერიმენტები, თუმცა მათ ამის ფუფუნება იშვიათად აქვთ, მაგრამ მაინც ვახერხებ სხვადასხვა გზებით და საშუალებებით ვაზიარო ისინი ამ სიამოვნებას, მათ ეს ძალიან მოსწონთ და უხარიათ.

საკვანძო სიტყვები:

ბავშვობიდან ექიმობაზე ვოცნებობდი, ძალიან მინდოდა ადამიანებს ხორციელი ტკივილის მოშუშებაში დავხმარებოდი. ვაბარებდი კი­დე­ვაც სახელმწიფო სამედიცინო ინსტი­ტუტში, მაგრამ უშედეგოდ. იმ დროს მოქმედმა ბიუროკრატიულმა მექანიზმმა ვერ მიმიღო. ერთი ქულა დამაკლდა, მაგრამ გაპრო­ტეს­ტე­ბული გამოცდის შედეგის ნახვის უფლებაც არ მომცეს. მიღებული ქულებით პედიატრიულზე ვხვდებოდი სამკურნალო ფაკულტეტის ნაცვლად, მაგრამ სუბიექტური მიზეზების გამო ჩემი ოცნება ვერ ასრულდა.

არასოდეს მიფიქრია ქიმიკოსობაზე, მაგრამ დღეს არ ვნანობ ჩემს არჩევანს, რადგან ქიმიამ სხვა თვალით შემახედა ცხოვრებაზე. ქიმია არის ქვეყნის თვალი და ყური. მე მიყვარს ბავშვების თვალით დანახული ქიმია. ყოველ­წლიუ­­რად ვზეიმობ კიდევაც ჩემს მოსწავლ­ეებ­თან ერთად ქიმიის დღეს, ვაწყობთ ღონის­ძიებას „ჩვენი თვალით დანა­ხული ქიმია“, სადაც არა მხოლოდ ქიმიაზე ვსაუბ­რობთ განყენებულად, არამედ ინტეგ­რი­რე­ბულ ჭრილში განვიხილავთ უამრავ საკითხს და პრობლემას, წარმოვაჩენთ სიმღერით, სკეტჩით, ხელოვნების სხვადასხვა ნიმუშით.

ქიმიის წყალობით დავუკავშირდი სხვადასხვა ორგანიზაციას ეროვნულ თუ საერთაშორისო დონეზე და  არაერთ ეროვნული თუ საერთა­შო­რი­სო დონის პროექტში მივიღეთ მონა­წილეობა მე და ჩემმა მოსწავლეებმა. მოგე­­ბული გვაქვს პროექტები. ყოველწლიურად ვმონაწილეობთ საქართველოს პროფესიონალ ქიმიკოსთა ასოციაციის მიერ განხორცი­ელე­ბულ შემოქმედებით კონფერენციაში, სადაც უამრავ საინტერესო საკითხს ვაწყდებით და ვიზიარებთ სხვების გამოცდილებასაც, ასევე ვმონაწილეობთ STEM პროექტებში, სადაც ვიყენებთ ქიმიაში დაგროვილ ცოდნას, ქიმიამ დამაკავშირა საქართველოში მოღვაწე ქიმი­კოსებთან, ასევე სამინისტროს სხვადასხვა სიპებთან, საშუალო და ზოგადი განათლების დეპარტამენტთან, ვიყავი ამ დეპარტამენტის კური­კულუმის დანერგვისა და განხორ­ციე­ლების ექსპერტი, ამჟამად ვარ განათლების ხარისხის სამსახურის ექსპერტი, ვმონაწი­ლეობდი მასწავლებელთა სტატუსის მინი­ჭების (პორტფოლიოს გადასინჯვა) სამსახურში მასწავლებლის სახლთან ერთად;

ქიმია ძალიან საინტერესო და სახალისოა, ბავშვებს უყვართ ექსპერიმენტები, თუმცა მათ ამის ფუფუნება იშვიათად აქვთ, მაგრამ მაინც ვახერხებ სხვადასხვა გზებით და საშუალე­ბებით ვაზიარო ისინი ამ სიამოვნებას, მათ ეს ძალიან მოსწონთ და უხარიათ.

გამოქვეყნებულია: 20-12-2024