ეს საინტერესოა

როლფ აპელის რეაქცია პირველად გამოიყენეს ალკილფტორიდების სინთეზისთვის

ქიმიკოსებმა შეიმუშავეს ახალი მეთოდი, რომელიც ფტორის შემცველი ფარმაცევტული პრეპარატების, აგროქიმიკატებისა და ფუნქციური მასალების სინთეზს უფრო უსაფრთხოსა და მარტივს გახდის. მკვლევრებმა პირველად შეძლეს კლასიკური აპელის (Appel) რეაქციის გამოყენება ალკილფტორიდების მისაღებად - გარდაქმნა, რომელიც აქამდე შეუძლებელი იყო.

ახალი მეთოდი ფტორის წყაროდ იყენებს კალიუმის ფტორიდს (KF) და თავიდან ირიდებს წყალბადის ფტორიდზე (HF) დაფუძნებული აგრესიული და სახიფათო ფტორირების რეაგენტების გამოყენებას. HF ფართოდ გამოიყენება ფტორქიმიურ მრეწველობაში, თუმცა მისი მაღალი ტოქსიკურობისა და კოროზიულობის გამო განსაკუთრებულ უსაფრთხოების ზომებს მოითხოვს.

კვლევის ხელმძღვანელის, ოქსფორდის უნივერსიტეტის პროფესორის ვერონიკ გუვერნერის განცხადებით, გუნდის მიზანია ფტორქიმიური წარმოების გამარტივება, ენერგომოხმარების შემცირება და უფრო უსაფრთხო ალტერნატივების დანერგვა. სწორედ ამ მიზნით მეცნიერები ფტორირების რეაგენტების შესაქმნელად სულ უფრო მეტად იყენებენ მინერალურ ნედლეულს, როგორიცაა კალციუმის ფტორიდი (CaF₂) და კალიუმის ფტორიდი (KF).

ახალი მიდგომა მნიშვნელოვნად გაამარტივებს ფტორის შემცველი ნაერთების წარმოებას და ხელს შეუწყობს ახალი მედიკამენტების, მცენარეთა დაცვის საშუალებებისა და თანამედროვე მასალების უფრო უსაფრთხო და მდგრად განვითარებას.

სრულად

წყარო:B. Halford, “Appel reaction can finally fluorinate,” Chemical & Engineering News, July 2026, doi: 10.1126/science.aec6298).

გამოქვეყნებულია: 31-07-2026