სიახლეები

STEM-ასისტენსი & თბილისის #160 საჯარო სკოლა

4 თებერვალს სტემ ასისტენტმა ნინი გორგოძემ, აგრარულ უნივერსიტეტში უმასპინძლა თბილისის 160-ე საჯარო სკოლას. ვიზიტის მიზანი იყო კვლევის განხორციელება. კერძოდ სხვადასხვა სახეობის ხილსა და ბოსტნეულში С-ვიტამინისა და ნიტრატების განსაზღვრა.

კვლევის ფარგლებში მოსწავლეებმა ერთმანეთს შეადარეს ქართული და უცხოური ხილ-ბოსტნეულის ქიმიური შედგენილობა (ასკორბინის მჟავასა და  ნიტრატების შემცველობა). ამასთან აღსანიშნავია, რომ  კვლევაში ჩართული იყო 160-ე სკოლის  ქიმიის და ბიოლოგიის მასწავლებლები თამარ დუნდუა და იზოლდა ტყემალაძე.

პროექტი დაფინანსებულია კონსულტაციისა და ტრენინგის ცენტრის მხარდაჭერით პროექტის „სკოლა-ლაბის სკოლების გაძლიერების ინიციატივის“ ფარგლებში, რომელიც დაფინანსებულია ფონდის Bread for the World-ის (BfdW) მიერ.

შეხვედრის ამსახველი ფოტო მასალა:

გამოქვეყნებულია: 17-02-2024