სიახლეები
STEM-ასისტენსი & კავთისხევისა და ტინისხიდის სკოლები
3 თებერვალს, პროექტ STEM ასისტენსის ფარგლებში, საქართველოს აგრარულ უნივერსიტეტს ესტუმრნენ სოფელ ტინისხიდისა (მასწავლებელი მაკა მაკარიძე) და სოფელ კავთისხევის საჯარო სკოლის (მასწავლებელი ნანი დემეტრაშვილი) მოსწავლეები.
კვლევის ფარგლებში მოსწავლეებმა STEM-ასისტენტ მარიამ ლუაშვილთან ერთად ნიტრატმზომის გამოყენებით განსაზღვრეს ნიტრატების შემცველობა პომიდორში, ფორთოხალსა და მანდარინში. ასევე, განსაზღვრეს C ვიტამინის შემცველობა შერჩეულ ხილსა და ბოსტნეულში.
მოსწავლეები გაეცნენ ნიტრატმზომთან მუშაობის წესებს და ტიტრაციის პროცესს.
შეისწავლეს ანალიზური ქიმიის ერთ-ერთი მთავარი გაზომვის მეთოდი და მიღებული შედეგების საფუძველზე გამოიტანეს სათანადო დასკვნები.
პროექტი დაფინანსებულია კონსულტაციისა და ტრენინგის ცენტრის მხარდაჭერით პროექტის „სკოლა-ლაბის სკოლების გაძლიერების ინიციატივის“ ფარგლებში, რომელიც დაფინანსებულია ფონდის Bread for the World-ის (BfdW) მიერ.
შეხვედრის ამსახველი ფოტო მასალა:
გამოქვეყნებულია: 17-02-2024
