თაკოს ფონდი

სტუდენტების შერჩევისა და დაფინანსების წესი

ზოგადი დებულებები

• „თაკოს ფონდის“ პროგრამის ფარგლებში დაფინანსება შეიძლება მიეცეს როგორც მოქმედ სტუდენტ(ებ)ს, ისე შესაბამისი წლის ეროვნული გამოცდების საფუძველზე ჩარიცხულ პირველკურსელებს.
• დაფინანსება გაიცემა ერთჯერადად ან განსაზღვრული ვადით, სპქა-ს მმართველი ორგანოს გადაწყვეტილებით.
• პროგრამის ფარგლებში დაფინანსება არ ვრცელდება სასწავლო პროცესთან უშუალოდ დაუკავშირებელ ხარჯებზე და სხვა მიზნებზე, რომლებიც არ შეესაბამება პროგრამის ამოცანებს.

სტუდენტების შერჩევა

• დასაფინანსებელ სტუდენტთა შერჩევა ხორციელდება ასოციაციის მმართველი ორგანოს მიერ, წინამდებარე წესით განსაზღვრული კრიტერიუმების საფუძველზე;
• სტუდენტთა კანდიდატურების წარდგენა შესაძლებელია პირადი განცხადების, საგანმანათლებლო დაწესებულების რეკომენდაციის ან ასოციაციის მიერ გამოცხადებული შერჩევის ფარგლებში;
• კანდიდატთა წარმოდგენილი დოკუმენტაცია განიხილება და შეფასდება ასოციაციის მმართველი ორგანოს მიერ ან მისი გადაწყვეტილებით შექმნილი კომისიის მიერ.
• სტუდენტ(ებ)ის შერჩევისას გათვალისწინებულ უნდა იქნეს:
  • ა) აკადემიური მოსწრება;
  • ბ) საქართველოს ეროვნული გამოცდების შედეგები (პირველკურსელთა შემთხვევაში);
  • გ) პროფესიული პოტენციალი და მოტივაცია;
  • დ) სხვა გარემოებები, რომლებიც ასოციაციის შეფასებით, მნიშვნელოვანია.
• მინიმალური აკადემიური მოსწრების ზღვარი (GPA ან შეფასების სხვა სისტემა) განისაზღვრება ფონდის მმართველი ორგანოს მიერ ყოველი სასწავლო წლისთვის.
• ასოციაციის მმართველი ორგანოს წევრი, რომელსაც კონკრეტულ კანდიდატთან მიმართებით აქვს პირდაპირი ან ირიბი ინტერესთა კონფლიქტი, ვალდებულია თავი შეიკავოს აღნიშნული კანდიდატურის განხილვასა და გადაწყვეტილების მიღებაში მონაწილეობიდან.
• ინტერესთა კონფლიქტად მიიჩნევა, მათ შორის, ნათესაური, ფინანსური ან სხვა სახის პირადი კავშირი, რომელიც შეიძლება გავლენას ახდენდეს გადაწყვეტილების ობიექტურობაზე.

დაფინანსების გაგრძელების პირობები

• დაფინანსება გრძელდება ყოველი მომდევნო სასწავლო წლისათვის ან სემესტრისთვის იმ პირობით, რომ სტუდენტი:
  • ა) ინარჩუნებს ასოციაციის მიერ დადგენილ მინიმალურ აკადემიურ მოსწრებას;
  • ბ) აგრძელებს სწავლას უმაღლეს საგანმანათლებლო დაწესებულებაში ქიმიის საგანმანათლებლო პროგრამაზე;
  • გ) არ დაუდასტურდა აკადემიური ან დისციპლინური დარღვევა.
  • დ) ინარჩუნებს სრულ აკადემიურ დატვირთვას (არ აქვს სტუდენტის სტატუსის შეჩერება ან შეწყვეტა).
• აკადემიური მოსწრების შეფასება ხორციელდება ყოველი სასწავლო წლის დასრულების შემდეგ, შესაბამისი საგანმანათლებლო დაწესებულების მიერ დადასტურებული მონაცემების საფუძველზე. (ნიშნების ფურცელი)
• მოთხოვნების შეუსრულებლობის შემთხვევაში პროგრამა უფლებამოსილია შეწყვიტოს დაფინანსება და შესაბამისი გადაწყვეტილებით გამოაცხადოს ახალი შერჩევა.

ფონდის პროგრამის ამსახველი სრული დოკუმენტი შეგიძლიათ იხილოთ ბმულზე:  დებულება.