თაკოს ფონდი

მიმდინარე კონკურსები

„თაკოს ფონდი“ აცხადებს სტუდენტთა დაფინანსების კონკურსს 2026-2027 სასწავლო წლისთვის

საქართველოს პროფესიონალ ქიმიკოსთა ასოციაცია, „თამარ (თაკო) ხატისაშვილის სახელობის სტუდენტთა მხარდაჭერის პროგრამის“ („თაკოს ფონდი“) ფარგლებში, აცხადებს კონკურსს ქიმიური პროფილის საგანმანათლებლო პროგრამების სტუდენტების სწავლის საფასურის სრული ან ნაწილობრივი დაფინანსებისთვის.

პროგრამა შეიქმნა თაკო (თამარ) ხატისაშვილის ხსოვნის უკვდავსაყოფად და მისი ღირებულებების გასაგრძელებლად - განათლების, პროფესიული პასუხისმგებლობისა და ადამიანებისათვის იმაზე ოდნავ მეტის კეთების გზით, ვიდრე ფორმალურად მოეთხოვება ადამიანს.

ვინ შეიძლება მიიღოს მონაწილეობა

საქართველოს ავტორიზებულ უმაღლეს საგანმანათლებლო დაწესებულებაში ქიმიური პროფილის სამაგისტრო საგანმანათლებლო პროგრამაზე ჩარიცხულმა პირველკურსელმა.

დაფინანსების პირობები

პროგრამის ფარგლებში შესაძლებელია სწავლის საფასურის სრული ან ნაწილობრივი დაფინანსება.

დაფინანსება გამოიყენება მხოლოდ სწავლის საფასურისთვის და არ ვრცელდება სასწავლო პროცესთან უშუალოდ დაუკავშირებელ ხარჯებზე. თანხის გადარიცხვა განხორციელდება უშუალოდ შესაბამისი უნივერსიტეტის ანგარიშზე, სტუდენტის სტატუსისა და გადასახდელი თანხის ოფიციალური დადასტურების საფუძველზე.

შერჩევის ძირითადი კრიტერიუმები

• აკადემიური მოსწრება - მოქმედი სტუდენტებისთვის;
• ერთიანი ეროვნული გამოცდების შედეგები - პირველკურსელებისთვის;
• ქიმიის სფეროში პროფესიული პოტენციალი და მოტივაცია;
• ქიმიასთან დაკავშირებული სასწავლო, სამეცნიერო ან საზოგადოებრივი აქტიურობა;
• სხვა გარემოებები, რომლებიც საქართველოს პროფესიონალ ქიმიკოსთა ასოციაციის შეფასებით მნიშვნელოვანია კანდიდატის შერჩევისთვის.

წარსადგენი დოკუმენტები

• შევსებული განაცხადის ელექტრონული ფორმა
• სამოტივაციო წერილი (არაუმეტეს 300 სიტყვისა);
• უნივერსიტეტის მიერ დამოწმებული ნიშნების ფურცელი და აქტიური სტუდენტის სტატუსის ცნობა (მოქმედი სტუდენტისთვის);
• ერთიანი ეროვნული გამოცდების შედეგების დამადასტურებელი დოკუმენტი და ჩარიცხვის/საგანმანათლებლო პროგრამის დამადასტურებელი ინფორმაცია (პირველკურსელისთვის);
• ქიმიასთან დაკავშირებული მიღწევების დამადასტურებელი დოკუმენტები (არსებობის შემთხვევაში);
• საგანმანათლებლო დაწესებულების ან აკადემიური პირის რეკომენდაცია (სურვილისამებრ);

განაცხადის წარდგენის წესი და ვადები

• განაცხადების მიღების დასაწყისი: 09:00, 09.09.2026
• განაცხადების მიღების ბოლო ვადა: 23:59, 15.09.2026
• განაცხადი  ივსება ონლაინ.
• ასატვირთი დოკუმენტების ფორმატი: PDF;

ფაილის სახელწოდებაში მიუთითეთ აპლიკანტის გვარი, სახელი და დოკუმენტის ტიპი ლათინური ასოებით.

მაგალითად:
 Khatisashvili_Tako_Motivation.pdf
Khatisashvili_Tako_Transcript.pdf
 Khatisashvili_Tako_Invoice.pdf  

შეფასება და გადაწყვეტილება

• განაცხადები პირველ ეტაპზე გაივლის ტექნიკური შესაბამისობის შემოწმებას;
• შესაბამისი განაცხადები შეფასდება სპეციალური კომისიის მიერ წინასწარ დამტკიცებული კრიტერიუმებით;
• კომისიის წევრი, რომელსაც კონკრეტულ კანდიდატთან პირდაპირი ან ირიბი ინტერესთა კონფლიქტი აქვს, არ მიიღებს მონაწილეობას ამ კანდიდატის განხილვასა და გადაწყვეტილებაში;
• საჭიროების შემთხვევაში კანდიდატებთან შეიძლება ჩატარდეს მოკლე ინტერვიუ, რის შესახებაც მათ წინასწარ ეცნობებათ;
• საბოლოო გადაწყვეტილებას მიიღებს საქართველოს პროფესიონალ ქიმიკოსთა ასოციაციის უფლებამოსილი მმართველი ორგანო.

შედეგების გამოცხადება

შედეგების გამოცხადების სავარაუდო თარიღი: 18:00, 18.09.2026

მნიშვნელოვანი პირობები

• არასრულად ან დადგენილი ვადის დარღვევით წარმოდგენილი განაცხადი არ განიხილება;
• აპლიკანტი პასუხისმგებელია განაცხადში მითითებული და წარმოდგენილ დოკუმენტებში ასახული ინფორმაციის სისწორეზე;
• საქართველოს პროფესიონალ ქიმიკოსთა ასოციაცია უფლებამოსილია, საჭიროების შემთხვევაში, აპლიკანტს მოსთხოვოს დამატებითი დოკუმენტის ან განმარტების წარმოდგენა;
• დაფინანსების გაგრძელება დამოკიდებულია პროგრამითა და სტუდენტების შერჩევისა და დაფინანსების წესით განსაზღვრული შესაბამისი პირობების შესრულებაზე.

საკონტაქტო ინფორმაცია

ელფოსტა: takofoundation@gmail.com

ვებგვერდი: https://chemistry.ge/tf/

კითხვების მიღების ბოლო ვადა: 18:00, 13.09.2026

თაკოს ფონდის გზავნილი

„ჩვენ გვწამს, რომ განათლება ხსოვნის შენარჩუნებისა და მომავლის შენების ყველაზე ძლიერი გზაა. ინვესტიცია ახალგაზრდა ქიმიკოსებში არის ინვესტიცია საქართველოს მეცნიერების ხვალინდელ დღეში.“