3.მე-3 ჯგუფის ელემენეტები
3.1.f-ელემენტები - ლანთანოიდები და აქტინოიდები
კითხვა:
რაზეა დაფუძნებული ატომური ბომბის მოქმედების პრინციპი?
პასუხი:
ატომური ბომბის მოქმედების პრინციპი დაფუძნებულია 235U-ის (ან პლუტონიუმის) ბირთვულ გარდაქმნაზე, რომელიც ნეიტრონების გამოტყორცნით მიმდინარეობს. როდესაც 235U-ის მასა რაიმე მნიშვნელობაზე (კრიტიკული მასა) ნაკლებია, ნეიტრონები გამოიტყორცნება ბომბში მოთავსებული ურანის მასიდან. ხოლო როდესაც 235U-ის მასა საკმაოდ დიდია, ნეიტრონების ურანის ატომებთან შეჯახების ალბათობა აღემატება მათი შესაბამისი მასიდან გამოტყორცნის ალბათობას; წარმოქმნილი ნეიტრონები ეჯახება235U-ის სხვა ატომებს, რის შედეგად ხდება მათი ბირთვული დაყოფა, ე.ი. აღიძვრება ჯაჭვური პროცესი, რაც ენერგიის უზარმაზარი რაოდენობის წარმოქმნით მიმდინარეობს. ამ პრინციპზეა დაფუძნებული ატომური ბომბის მოქმედება. ატომური ბომბი შეიცავს 235U-ის განსაზღვრულ მასას, რომელიც გაყოფილია ორ ნაწილად (სქემა) მასის კრიტიკულ მასაზე ნაკლები მნიშვნელობით. ჩვეულებრივი “ქიმიური აფეთქებით” (დეტონატორით) ორი ნახევარი შეერთდება და მიღებული ნიმუშის მასა კრიტიკულს აღემატება.
ატომური ბომბის მოქმედების პრინციპული სქემა
ჩვენი სტუმრები
სწრაფი ბმულები
