14.მე-14 ჯგუფის ელემენტები

14.2.სილიციუმი

კითხვა:

როგორი აღნაგობა აქვს სილიციუმის დიოქსიდს?

პასუხი:

სილიციუმის დიოქსიდიბუნებრივი არაორგანულიპოლიმერია: [SiO₂]_n. მის სტრუქტურულ ერთეულს წარმოადგენს SiO₄-ის ტეტრაედრული სტრუქტურული რგოლი, რომელიც სამი სხვადასხვა ფორმით შეიძლება არსებობდეს, რაც სილიკატების მრავალფეროვნებას განაპირობებს. ისინი წარმოქმნიან სხვადასხვა ზემოლეკულურ სტრუქტურას – ჯაჭვებს, ლენტებს და შრეებს, რომლებიც მათ შორის განლაგებული კატიონებით არიან შეკავშირებული. გამოიყენება სილიკატურ მრეწველობაში; სუფთა სილიციუმის დიოქსიდი (კვარცი) გამოიყენება ოპტიკაში; ნანო სილიციუმის დიოქსიდი გამოიყენება ნანოტექნოლოგიაში და სხვ. მდგრადია მჟავების მოქმედების მიმართ; იხსნება მხოლოდ ფთორწყალბადმჟავაში სილიციუმის ტეტრაფთორიდის წარმოქმნით:

SiO₂ + 4 HF → SiF₄ + 2 H₂O

SiO₂-ზე ნახშირბად(II)-ის ოქსიდის და ქლორის მოქმედებით მიიღება სილიციუმის მნიშვნელოვანი ნაერთი – SiCl₄, რომელიც სილიციუმორგანული ნაერთების სინთეზში ერთ-ერთი საბაზისო ნაერთია:

SiO₂ + 2 C + 2 Cl₂ → SiCl₄ + 2 CO