11.მე-11 ჯგუფის ელემენტები
11.1.სპილენძი, ვერცხლი და ოქრო
კითხვა:
რით აიხსნება ვერცხლის ატომის იონიზაციის II ენერგიის დიდი მნიშვნელობა? რატომ არის ვერცხლის ჟანგვითი რიცხვი ნაერთებში ძირითადად მხოლოდ +1, სპილენძის - +2, ხოლო ოქროსი - +3?
პასუხი:
ვერცხლის ატომს ახასიათებს შედარებით მაღალი იონიზაციის მეორე ენერგია, რაც აიხსნება 4d10 კონფიგურაციის განსაკუთრებული მდგრადობით. იმავე პერიოდის ელემენტში, პალადიუმში, 4d10 კონფიგურაციის მიღწევის გამო, ადგილი აქვს ორმაგ ჩავარდნას. სწორედ ამიტომ, ვერცხლი, ძირითადად, +1 ჟანგვით რიცხვს ავლენს. სპილენძი ძირითადად ნაერთებში ავლენს +2, ხოლო ოქრო - +3 ჟანგვით რიცხვს. ატომური ნომრის (ჟანგვითი რიცხვის) გაზრდის გამო, იზრდება ამ ელემენტების მდგრადობა.
