10.მე-10 ჯგუფის ელემენტები
10.1.ნიკელი
კითხვა:
რომელი ნაერთია მდგრადი ნიკელის კატიონური კომპლექსნაერთებიდან?
პასუხი:
ნიკელის კატიონური კომპლექსნაერთებიდან მდგრადია ოქტაედრული ჰექსააკვა- და ჰექსაამინოკომპლექსები. აკვა-კომპლექსები ღია მწვანე ფერისაა, ნიკელის უწყლო მარილები, ჰალოგენიდები გარდა NiI2-ისა, რომელიც შავია), სულფატი, ნიტრატი, ციანიდი და სხვ. - ყვითელი ფერისაა. მათი წყალხსნარები კი მწვანე ფერისაა, ასეთივე ფერი აქვს ნიკელის კრისტალჰიდრატებსაც: Ni(NO3)2·6H2O, NiSO4·7H2O და სხვ. [Ni(NH3)6]2+ - ინტენსიური ლურჯი ფერისაა. ცნობილია შერეული აკვა- და ამინოკომპლექსები: [Ni(H2O)6-n(NH3)n]2+. ეს ცვლილება ფერის ცვლილებაშიც აისახება - ღია მწვანედან ლურჯამდე, რაც გახლეჩის ენერგიის (Δ) ზრდასთან არის დაკავშირებული. შთანთქმის ზოლების გადანაცვლება ხდება მოკლე ტალღის სიგრძეებისაკენ.
