სიახლეები
![](img_news/mendeleev_2020.jpg)
ჩატარდა მენდელეების სახელობის ქიმიის საერთაშორისო 54-ე ოლიმპიადის შესარჩევი ტური
დღეს საქართველოს აგრარულ უნივერსიტეტში ჩატარდა მენდელეევის სახელობის საერთაშორისო 54-ე ოლიმპიადის შესარჩევი ტური.
დადგინდა ნაკრების ძირითადი და სარეზერვო შემადგენლობა.
ძირითადი ნაკრები:
იოანე კაპანაძე (89.71 ქულა)
ნინო აბესაძე (80.79 ქულა)
დავით სამხარაძე (73.18 ქულა)
გიგა კობახიძე (69.81 ქულა)
რეზერვი:
ანა მოლოდინი (66.24 ქულა)
ნიკოლას თოიძე (47.65 ქულა)
ნინო ხელიძე (47.39 ქულა)
ანა რცხილაძე (41.86 ქულა)
შესარჩევ ტურში მონაწილეობას იღებდნენ ქიმიით დაინტერესებული სხვადასხვა სკოლის უფროსკლასელი მოსწავლეები. ტური მოიცავდა 5 ამოცანას.
შესარჩევი ტურის კომისია:
გია ხატისაშვილი (თავმჯდომარე)
სოფიკო ფაცაცია
ალექსანდრე ფიჩხაძე
თამარ ხატისაშვილი
ნაკრები 14-15 ივლისს მენდელეევის სახელობის საერთაშორისო ოლიმპიადაში მონაწილეობას მიიღებს მენტორის თინათინ ბუთხუზის ხელმძღვანელობით. ოლიმპიადა მიმდინარე წელს პანდემიის გამო დისტანციურად ტარდება.
შესარჩევი ტურის ამოცანები: PDF
შეფასების სქემა: PDF
მოსწავლეთა ნაშრომები ატვირთულია და მონაწილეებს დაეგზავნათ ელფოსტით შესაბამისი ბმულები.
დამატებითი ინფორმაცია:
მენდელეევის სახელობის საერთაშორისო ოლიმპიადა 2020 წელს ტარდება ონლაინ რეჟიმში, ორ ტურად- 14 და 15 ივლისს. მონაწილეთა 10% მიიღებს ოქროს, 20%- ვერცხლისა და 30% ბრინჯაოს მედლებს. წელს ოლიმპიადაში მონაწილეობას იღებს შემდეგი ქვეყნები: სომხეთი, ავსტრია, აზერბაიჯანი, ბელორუსი, ბულგარეთი, ესტონეთი, საქართველო, უნგრეთი, ირანი, ისრაელი, ყაზახეთი, ყირგიზეთი, ლატვია, ლიეტუვა, მაკედონია, რუსეთი, საუდის არაბეთი, სერბეთი, სლოვაკეთი, სირია, ტაჯიკეთი, თურქეთი, თურქმენეთი, უკრაინა და უზბეკეთი.
საქართველო მესამედ მონაწილეობს ამ ფორუმში და მას მოპოვებული აქვს უკვე 2 ბრინჯაოს მედალი.
ოლიმპიადის შესახებ ინფორმაცია შეგიძლიათ იხილოთ ბმულზე.
დამატებითი დოკუმენტები:
გამოქვეყნებულია: 24-11-2020