7.მე-7 ჯგუფის ელემენტები

7.1.მანგანუმი

კითხვა:

რომელი ნაერთებია მნიშვნელოვანი მანგანუმის უმაღლესი (+6 და +7) ჟანგვითი რიცხვებით? როგორ მიიღება და რა პრაქტიკული გამოყენება აქვს ამ ნაერთებს? დაწერეთ შესაბამისი ქიმიური რეაქციების ტოლებები

პასუხი:

+6 ჟანგვითი რიცხვით მანგანუმის ნაერთებიდან სტაბილურია [MnO₄]^2-. ამ იონების შენარჩუნება ხდება ხსნარში ტუტის სიჭარბისას, სხვა შემთხვევაში განიცდის დისპროპორციონირებას:

3 K₂MnO₄ + 2 H₂O ⇄ 2 KMnO₄ + MnO₂ + 4 KOH

მანგანატები მიიღება Mn²⁺-ის მარილებზე ან MnO₂-ზე ტუტე არეში ძლიერ მჟანგავების მოქმედებით:

MnO₂ + KNO₃ + K₂CO₃ → K₂MnO₄ + KNO₂ + CO₂

MnO₂ + KNO₃ + 2KOH  →  K₂MnO₄ + KNO₂ + H₂O

მანგანატებიდან სუფთა სახით მხოლოდ ორი მარილია გამოყოფილი K₂MnO₄ და Na₂MnO₄. ორივე ნაერთიძლიერი მჟანგავია. მჟავა გარემოში აღდგენის პროდუქტია Mn⁺²-ის მარილი, ნეიტრალურში კი - MnO₂.

Mg⁷⁺-ის ნაერთებიდან ყველაზე მნიშვნელოვანია HMnO₄-ის მარილები - პერმანგანატები, მათ შორის კი, KMnO₄. მისი წყალხსნარი მოწითალო-იისფერია. წყალში კარგად იხსნება. ძლიერი მჟანგავია, ჟანგავს ბევრ ორგანულ და არაორგანულ ნივთიერებას.

კალიუმის პერმანგანატის მიღების ძირითად მეთოდსწარმოადგენს კალიუმის მანგანატის წყალხსნარის ელექტროლიზი. ანოდზე მანგანატი დაკარგავს ელექტრონს და მიიღება პერმანგანატის იონი.