ეს საინტერესოა
ახალი იმედი კუნთოვანი დისტროფიით დაავადებულთათვის
ავადმყოფთათვის, რომლებიც მიოტონური დისტროფიით იტანჯებიან, ახალი იმედი გაჩნდა. ილინოისის უნივერსიტეტიდან მეცნიერებმა როჯერ ადამსის (Roger Adams) ხელმძღვანელობით, შექმნეს ახალი დაბალმოლეკულური ნაერთი, რომელიც ადამიანის ცოცხალ უჯრედში ამ დაავადების გამომწვევი ცილების რნმ-კლასტერს ანადგურებს.კვლევის შედეგები პირველი მნიშვნელოვანი ნაბიჯია ამ დაავადების ფარმაცევტულ მკურნალობაში, რომელიც დღემდე განუკურნებელად ითვლებოდა.
ზრდასრულ ადამიანებში კუნთოვანი დისტროფიის ყველაზე გავრცელებული ფორმაა მიოტონური დისტროფიის პირველი ტიპი, რომელიც ასე მაგალითად, ამერიკის შეერთებულ შტატებში რვა ათასი ადამიანიდან ერთს ემართება. ამ დაავადების შედეგად მიმდინარე კუნთოვანი ქსოვილების ეტაპობრივი რღვევა განაპირობებს პროგრესირებად სისუსტეს. ამ დაავადების მკურნალობის მეთოდი დღემდე არ არსებობს, თუმცა უკვე არსებულ ზოგიერთ სამკურნალო ზომებს (ღონისძიებებს) შეუძლია დისტროფიის ზოგიერთი სიმპტომის ადრეულ ეტაპზე შემცირება, თუმცა შეუძლებელია კუნთოვანი ქსოვილების დეგრადაციის გარდაუვალი პროგრესის შეჩერება, ამიტომაც ფარმაცევტული ქიმიის სპეციალისტების დიდ ინტერესს წარმოადგენს ისეთი პრეპარატების მოძიება, რომელიც ამ დაავადებას შეაჩერებს.
მიოტონური დისტროფიის პირველი ტიპი ერთი გენის მუტაციის შედეგადაა გამოწვეული.
წყარო:ACS Chemical Biology, 2013, DOI: 10.1021/cb400046u
გამოქვეყნებულია: 11-08-2013
