შეხვედრა ქიმიის მასწავლებლებთან ქუთაიში

11 თებერვალს ქუთაისში ჩატარდა მორიგი შეხვედრა იმერეთის რეგიონის ქიმიის პედაგოგებთან, რომელსაც აკაკი წერეთლის სახელმწიფო უნივერსიტეტის ქიმიური და გარემოსდაცვითი ტექნოლოგიების დეპარტამენტი მასპინძლობდა. სამუშაო შეხვედრას ფასილიტაციას ქიმიის პედაგოგი მარინე კუჭუხიძე უწევდა.

მასწავლებლებმა დიდი მონდომებით ჩაატარეს დაგეგმილი ქიმიური ექსპერიმენტი და გაანალიზეს მიღებული შედეგები. პედაგოგებმა აღნიშნეს, რომ მსგავსი ტიპის შეხვედრები მათთვის არის ძალიან საინტერესო და ნაყოფიერი, რადგან იგი ხელს უწყობს როგორც მათ პროფესიულ განვითარებას, ამავდროულად კოლეგებთან კომუნიკაციის საუკეთესო საშუალებაცაა.

მასწავლებლებმა დიდი ინტერესი გამოხატეს ქიმიური კლუბების ჩამოყალიბების მიმართ და ისინი მზად არიან, აქტიურად ჩართონ მოსწავლეები კლუბურ მუშაობაში.

სამუშაო შეხვედრები ორგანიზებულია საქართველოს პროფესიონალ ქიმიკოსთა ასოციაციის მიერ სსიპ მასწავლებელთა პროფესიული განვითარების ეროვნული ცენტრის, ათასწლეულის გამოწვევის ფონდი-საქართველოს „მასწავლებელთა და სკოლის დირექტორთა პროფესიული განვითარების“ პროექტის: ნორჩ ქიმიკოსთა კლუბების ქსელი“ ფარგლებში.


საქართველოს პროფესიონალ ქიმიკოსთა ასოციაცია დიდ მადლობას უცხადებს აკაკი წერეთლის სახელმწიფო უნივერსიტეტის ქიმიური და გარემოსდაცვითი ტექნოლოგიების დეპარტამენტს, პროფ. ინგა ბოჭოიძეს და პროფ. ციცინო თურქაძეს პროექტის მხარდაჭერისა და დეპარტამენტის ინფრასტრუქტურის დათმობისათვის.

შეხვედრის ამსახველი ფოტო მასალა

  

გამოქვეყნებულია: 06-03-2019




უკან დაბრუნება 

 

 

 

ვეძებ ქიმიკოსს

ვეძებ თემატიკას

ვეძებ ფრაზას