1.პირველი (IA) ჯგუფის ელემენტები

1.1.წყალბადი

კითხვა:

რა გამოყენება აქვს წყალბადს ტექნიკასა და ქიმიურ მრეწველობაში?

პასუხი:

ტექნიკის ბევრ მნიშვნელოვან დარგში წყალბადი თანდათან ლიდერის პოზიციას იკავებს. მრავალფეროვანია მისი გამოყენების სფეროები:

• ამიაკის წარმოება – ამონიუმის სასუქების მიღება;
• მცირე ზომის (2მ დიამეტრის) აეროსტატები;
• მეთანოლის და ქლორწყალბადის წარმოება (რაზეც დაფუძნებულია მაგალითად, მარილმჟავას წარმოება);
• საპოხი მასალების, საპნების, სარეცხი საშუალებებისთვის გამოსავალი ნივთიერებების სინთეზი;
• კოსმეტიკური საშუალებების წარმოება;
• ვიტამინების წარმოება;
• თხევადი ცხიმებიდან მყარი ცხიმების (მარგარინის) მიღება (თხევადი ცხიმების კატალიზური ჰიდრირება);
• ბუნებრივი აირის, როგორც სათბობის, შემცვლელი;
• შიგაწვის ძრავების არსებული საწვავის ალტერნატული საწვავი;
• ოქსიდებიდან მეტალების მიღება;
• რაკეტულ საწვავებში წყალბადის რადიოაქტიური იზოტოპის – ტრითიუმის გამოყენება;
• წყალბადური შედუღება;
• იზოტოპური ეტიკეტების დასამზადებლად;
• ბირთვულ რეაქციებში (წყალბადის ბომბი);
• დეიტერიუმის და ტრითიუმის გამოყენება ატომურ ტექნოლოგიებში;
• ტრითიუმის გამოყენება ბიოლოგიურ მეცნიერებებში წარმოებულ გამოკვლევებში.