8.მე-8 ჯგუფის ელემენტები

8.1.რკინა

კითხვა:

როგორი სახით არის გავრცელებული ბუნებაში რკინა? დაასახელეთ რკინის შემცველი მინერალები და დაწერეთ მათი შესაბამისი ქიმიური ფორმულები.

პასუხი:

სუფთა რკინა იშვიათად გვხვდება. ყველაზე ხშირად ის გვხვდება დედამიწაზე ჩამოვარდნილი რკინა-ნიკელის მეტეორიტების შემადგენლობაში. ბუნებაში რკინა ძირითადად საბადოების სახით არსებობს. რკინის ძირითადი საბადოებია:

• მაგნეტიტი (მაგნიტური რკინაქვა - Fe₃O₄ (შეიცავს 72 %-მდე რკინას);
• ჰემატიტი (წითლი რკინაქვა) - Fe₂O₃ (შეიცავს 65 %-მდე რკინას);
• ლიმონიტი - Fe₂O₃·nH₂O (შეიცავს 60 %-მდე Fe-ს);
• პირიტი - რკინის კოლჩედანი - FeS₂ (შეიცავს 46 %-მდე რკინას);
• სიდერიტი - რკინის შპატი - Fe₂CO₃ (შეიცავს 35%-მდე რკინას).

ზოგიერთ მინერალურ წყალში Fe(II) სულფატების და ჰიდროკარბონატების სახით გვხვდება. ამგვარი წყალი ჟანგისფრად ღებავს გარემოს რკინა(III) ჰიდროქსიდის წარმოქმნის გამო.